“Disa delegacione perëndimore e kthyen agjendën e G20 në një farsë, duke u përpjekur të fajësojnë Moskën për dështimet e tyre ekonomike”.
Kështu u shpreh ministri i jashtëm rus, Sergej Lavrov pas takimeve që pati me zyrtarë në Samit në Nju Delhi të Indisë, shkruan agjencia ruse e lajmeve, Tass.
Ai zhvilloi bisedime me homologët e tij nga Brazili, India, Kina dhe Turqia dhe pati një takim të shkurtër me Sekretarin e Shtetit të SHBA, Antony Blinken me kërkesë të këtij të fundit.
Për shkak të mosmarrëveshjeve midis vendeve perëndimore, nga njëra anë, dhe Rusisë dhe Kinës, nga ana tjetër, nuk u miratua asnjë deklaratë përfundimtare në takimin ministror, por të gjithë pjesëmarrësit ranë dakord që Bashkimi Afrikan të bëhet një anëtar i plotë i G20 në të njëjtin nivel me BE-në.
“Vetëm partnerët perëndimorë kanë folur për izolimin e Rusisë: “Ne nuk ndihemi aspak të izoluar. Kështu siç e shoh unë, Perëndimi po izolohet dhe kjo vetëdije do t’i lindë së shpejti. Në të ardhmen e afërt presim të bëjmë një udhëtim në një numër vendesh të Amerikës Latine”, tha Lavrov.
