Sjellja njerëzore në një krizë të përmasave apokaliptike është tema e filmit të ri të Sam Esmailit “Leave The World Behind”, një përshtatje e thrillerit letrar të mirënjohur të Rumaan Alam me të njëjtin titull.
Filmi, një dramë apokaliptike me Julia Roberts, Mahershala Ali, Ethan Hawke dhe Kevin Bacon, u prodhua nga Higher Ground Productions, kompania e themeluar nga ish-presidenti amerikan Barack Obama dhe gruaja e tij Michelle.
Leave the World Behind ndjek një shoqëri që zbërthehet pasi infrastruktura teknologjike, nga telefonat te televizorët, fillon të shembet.
Pavarësisht ngjitjes në krye të listave, duke tejkaluar filmat si “Family Sëitch” dhe animacioni “The Grinch”, “Leave the World Behind” mori komente të ndryshme nga kritikët dhe përgjigja nga shikuesit ka qenë edhe më e polarizuar.
Filmi tërhoqi gjithashtu vemendjen e Elon Musk I cili ka reaguar negativisht ndaj filmit, pasi nje familje gjatë filmit ndiqen nga Teslat pa shofer që përfundojnë duke u përplasur me njëra-tjetrën, duke shkaktuar një grumbullim masiv në rrugë.
Themeluesi i Tesla-s theksoi se makinat e tij mund t’i mbijetonin një situate apokaliptike pa energji elektrike.
LEXONI GJITHASHTU:
- “Film pas filmi”- Del në treg libri i vajzës së Viktor Gjikës
- Filmi Europian i vitit/ Shpërndahen çmimet, triumfon “Anatomia e një Rënieje”