Teksa mbeten 1 muaj nga zhvillimi i finales së Ligës së Konferencës në stadiumin “Air Albania”, Federata Shqiptare e Futbollit ka treguar procedurat se si tifozët mund të pajisen me bileta.
Për të blerë bileta për finalen, të interesuarit duhet të regjistrohen në linkun e bërë publik nga UEFA (https://europaconferenceleague-sales.tickets.uefa.com/) dhe të krijojnë një llogari personale.
Pas krijimit të llogarisë në faqen zyrtare, personat e përzgjedhur nga UEFA do të njoftohen për hapat e mëtejshëm që duhet të ndjekin në mënyrë që të pajisen me biletat e finales.
Sipas informacionit zyrtar të UEFA-s, pritet që shitja e biletave të nisë në ditët në vazhdim.
Leiçester-Roma dhe Fejnord-Marsejë, janë ndeshjet gjysmëfinale dhe katër ekipet e mbetura do të luftojnë për një vend në finalen që do të zhvillohet më 25 maj në Tiranë.
LEXONI GJITHASHTU
