Të hënën u rikthye shërbimi i aplikimit për dokumentet biometrike. Në disa zyra ka pasur probleme, por për drejtorin e përgjithshëm të gjendjes civile ato kanë qenë momentale.
Të premten shërbimi u pezullua dhe gjatë fundjavës është punuar për të forcuar masat anti-hakerim.
“Ishte një vendim i Drejtorisë së Përgjithshme e Gjendjes Civile e koordinuar me ‘Aleat’ pasi ishte e nevojshme të forconim perimetrin e sigurisë. Nuk pati asnjë problem nga sulmet e fundit, por duhet të forconim edhe më tej perimetrin e sigurisë. Aplikimet janë pezulluar vetëm të premten, sot kanë nisur normalisht, kanë hasur disa vështirësi me kalimin e ndryshimeve të reja”, tha për Euronews Albania Vangjush Stavro, drejtor i përgjithshëm i Gjendjes Civile.
Serverët e gjendjes civile dhe kompanisë ‘Aleat’ mesa duket i kanë shpëtuar sulmit të hakerëve iranianë që nuk kursyen “e-Albanian” dhe sistemin TIMS të policisë së shtetit.
LEXONI GJITHASHTU: