Muzika, kostumet shumëngjyrëshe e kërcimet kanë mbushur rrugët e Rio de Zhaneiros prej 20 prillit, me rastin e festimit të Karnavaleve të para që prej shpërthimit të COVID-19 në vitin 2019.
Organizatorët i kanë quajtur karnavalet e këtij viti si “festën më të madhe në planet”.
Karnavalet janë një nga ngjarjet më të rëndësishme kulturore në Brazil që prej vitit 1850.
Origjinën e kanë nga Portugalia, por brazilianët i shndërruan Karnavalet në një version unik me kalimin e kohës, duke shtuar elemente nga prejardhja kulturore e vendasve të Amerikës së Jugut.
Kështu, karnavalet në Brazil përfshijnë parada, kostume kreative, muzikë, vallëzim dhe pije alkoolike.
Origjinën më të hershme, Karnavalet e kanë në festat e Dionisit në Greqinë e lashtë, ku njerëzit argëtoheshin duke veshur maska dhe duke pirë verë.
Festivali i Karnavalit të Brazilit për vitin 2022 po zhvillohet nga 20 prilli deri më 30 prill, në qytetin Rio de Zhaneiro.
