Fotografi David Cuka u shpreh se i pëlqen Shqipëria, i pëlqen të kontribuojë në vendin e tij, por e mendon vazhdimisht të largohet.
“Më vjen shumë keq ta them, por po. Mua më pëlqen Shqipëria, më pëlqen të kontribuoj në vendin tim, mund të jap maksimumin tim, por e shikoj totalisht të pamundur që të qëndroj në Shqipëri,” – tha ai në një intervistë për Euronews Albania.
Cuka, i cili ka ende në zhvillim projektin e tij me 999 portrete, u shpreh se ka shumë mundësi që të përfundojë jashtë shtetit. Ndërsa siguroi se në dhjetor të vitit 2022, projekti i tij do finalizohet, nuk ishte i sigurt për vijueshmërinë e punës në Shqipëri, prej paragjykimeve që herë pas here i kanë penguar dhe punën.
Pavarësisht kësaj 999 portretet janë një kontribut për Shqipërinë dhe Cuka ftoi këdo që është i interesuar të bëhet pjesë e projektit, ta kontaktojë në rrjetet e tij sociale.
LEXONI GJITHASHTU: