Në një intervistë për Euronews Albania, gazetari i BIRN, Gjergj Erebara tha se qeveria 2 vite më parë vendosi që të ndjek procedura emergjente me qëllim që të ndërtonte më shpejt, ndërsa tani pas dy viteve, banesat nuk janë e kostot e rindërtimit janë rritur.
Ai shtoi se qeveria ka buxhet të mjaftueshëm në arkën e shtetit, por mungojnë aftësitë administrative.
Sipas gazetarit procesi i rindërtimit siç dhe qeverisja e vendit është në drejtimin e gabuar.
Erebara u shpreh se qeveria nuk ka ndjekur procedurat për zbatimin e kontratave. Sipas tij, kontratat janë në një ngërç tipik që shihet në ato kontrata ku kompanitë koncesionare zvarrisin punimet me qëllim që të marrin fonde shtesë.
“Qeveria nuk është shumë e prirur që të vendosë klauzola ndëshkuese në këto kontrata ose të zbatojë klauzolat ndëshkuese sepse si të thuash është bashkëpronare ose bashkëpunëtore e këtyre kompanive,” – tha gazetari.
LEXONI GJITHASHTU: