Në orën 07:00 janë hapur qendrat e votimit në Kosovë për zgjedhjet parlamentare dhe ato do të jenë të mbesin të hapura deri në orën 19:00. Mbi 2 milionë qytetarë, brenda dhe jashtë Kosovës, kanë të drejtë vote.
Gazetari i Euronews Albania në Kosovë, Kosovë Gjoci ka hedhur votën e tij live gjatë transmetimit në qendrën e tij të votimit në Prishtinë duke prezantuar edhe risitë e procesit në këto zgjedhje parlamentare.
“Një person në hyrje të vendvotimit identifikon qytetarin përmes mjetit të identifikimit, më tej një prej zyrtarëve brenda qendrës së votimit verifikon të dhënat personale të votuesit, merr fletën e votimit të vulosur. Në kutinë e votimit ke edhe listat e kandidatëve dhe partive për ata që nuk i mbajnë mend, duke qenë se është një numë i madh partish dhe kandidatësh në këto zgjedhje. Procesi i votimit të merr pak më tepër kohë pasi veç partisë që votojnë, qytetarët duhet të zgjedhin edhe 10 kandidatë për deputetë. Kamerat e vendosura pranë çdo vendvotimi janë një tjetër risi e këtij procesi për të monitoruar gjithçka që do të ndodhë gjatë ditës së votimit”, tha gazetari.
LEXONI GJITHASHTU:
- Nis procesi i votimit në Kosovë, rreth 2 milionë qytetarë me të drejtë vote
- Gjermania me numrin më të lartë të votuesve jashtë Kosovës
