Policia e Matit ka çuar për ndjekje penale 2 persona që u kapën duke gërryer me mjete të rënda, shtratin e lumit Mat dhe atë të përroit të fshatit Xibër, me qëllim marrjen e kundërligjshme të inerteve.
“Në shtratin e lumit Mat, u konstatua një ekskavator në pronësi të shtetasit A. Gj., i cili dyshohet se përdorej për të gërryer shtratin e këtij lumi, me qëllim marrjen e inerteve, në kundërshtim me ligjin. Në shtratin e përroit të fshatit Xibër, u konstatuan një ekskavator dhe një kamion në pronësi të shtetasit B. K., të cilat dyshohet se përdoreshin për të gërryer shtratin e këtij përroi, me qëllim marrjen e inerteve, si dhe për transportimin e inerteve të përfituara në kundërshtim me ligjin”, bën me dije policia.
Në vijim të veprimeve procedurale për këto raste, u referuan materialet në Prokurori ku nisi procedimi në gjendje të lirë për shtetasit A. Gj., 48 vjeç, banues në Burrel dhe B. K., 37 vjeç, banues në Klos, për veprën penale “Shpërdorimi i tokës”.
Në cilësinë e provës materiale u sekuestruan 3 mjetet (2 ekskavatorë dhe 1 kamion) që dyshohet se përdoreshin për kryerjen e kësaj paligjshmërie.
LEXONI GJITHASHTU: