Imazhet e reja tronditëse vijnë nga Turqia ku ekipet e shpëtimit po luftojnë ende një garë me kohën për të gjetur të mbijetuarit tetë ditë pas tërmetit shkatërrues.
Siç raporton CNN turk, një grua u shpëtua nga rrënojat e Antakias ku kaloi 176 orë. Janë bërë virale fotot që tregojnë djalin e saj duke u gëzuar që nëna e tij është gjallë. Pasi pa ekipet e shpëtimit ta nxirrnin jashtë, ai nuk mundi t’i mbante lotët teksa i thirri nënës së tij.
Lot gëzimi mund të shiheshin edhe në fytyrat e pjesëtarëve të ekipit të shpëtimit, raportojnë mediat turke.
Tetë ditë pas një tërmeti shkatërrues, ka gjithnjë e më pak shanse për të gjetur të mbijetuar nën rrënoja, kështu që operacionet e shpëtimit si ky janë shumë tronditëse. Megjithatë, shpëtimtarët nuk dorëzohen dhe kërkimet vazhdojnë.
LEXONI GJITHASHTU:
- Ditë zie për viktimat e tërmetit, Rama ndez qirinj në ballkonin e Kryeministrisë
- Një javë nga tërmetet, vazhdon nxjerrja e të mbijetuarve nga rrënojat e godinave
