Zëvendëskryeministri, Erion Braçe iu është drejtuar sot me një apel të fortë të gjithë qytetarëve, të cilat kanë udhëtuar nga Italia në drejtim të Shqipërisë.

Me një shënim në rrjetin e tij social “Instagram”,numri dy i qeverisë shqiptare ftoi qytetarët që kanë qenë në Italia në dy javët e fundit të rrinë në shtëpi dhe të mos dalin në kafene apo restorante.

Mes rreshtave, Braçe shprehet se personi i gjashtë i infektuar me coronavirus ka shkuar për pak orë në Milano për të vizituar dajën e tij, dhe për pasojë, është prekur nga COVID-19.

Të ndodhur përballë kësaj gjendjeje të vështirë, zv.kryeministri u kërkon qytetarëve të vetëkarantinohen për të ruajtur veten dhe të afërmit e tyre.

“Njerëz nëse keni qenë në Itali dy javët e fundit rrini në shtëpi! Mos dilni! Mos shkoni në kafe a restorante! Infektoni të tjerë kështu. Ky virus shfrytëzon fort mënyrën tonë të jetesës; E dimë mirë, ne jemi popull shumë social, “bëhemi shumë” me njeri tjetrin! I infektuari i 6-të është një dale i ri që ka shkuar veç për disa orë ne Milano, “për të parë dajën e shtruar në spital atje”!!!!!!!!!! Veç kaq pak është dashur! Pastaj dashuria e madhe për njëri tjetrin këtu e përhap me qef virusin! Ndaj, nëse ke qenë në Itali, vetekarantinohu! Rri në shtëpinë tënde! Shpëton veten dhe gjithkënd që do! Bëje tani!”, shkruan Braçe.