Një makinë ka hyrë qëllimisht në mes të turmës gjatë karnavaleve në Gjermani, duke shkaktuar viktima, mes tyre dhe fëmijë.

Disa prej të lënduarve janë në gjendje serioze, tha zëdhënësi i policisë Henning Hinn.

Policia gjermane ka raportuar se bëhet fjalë për disa të plagosur në Hesen e Veriut, dhe se shoferi është arrestuar rreth 248 kilometra në jugperëndim të Berlinit.

Incidenti ka ndodhur gjatë Rosenmontagut, (Karnavalet e të Hënës Rozë), e cila festohet në të gjithë Gjermaninë.

Ngjarja ndodhi pak ditë pas masakrës në Hanau, kur një ekstremist i djathtë la 10 të vdekur në një “shisha kafe”, e më pas vrau veten.

Policia thotë se nuk ka informacion që mund të bëhet fjalë për një sulm terrorist, ndaj i bën thirrje publikut që të mos përhapë lajme të pakonfirmuara.

[twitter_feed=https://twitter.com/Polizei_NH/status/1231958985634349058]