Armando Ndreca, vëllai i deputetit të PS Eduard Ndrecaj, do të vazhdojë të qëndrojë në burg.
Apeli i Gjykatës së Posaçme kundër Korrupsionit dhe Krimit të Organizuar nuk ka pranuar kërkesën e tij, ndërkohë që ai është i përfshirë në dosjen “Revanshi”.
Ndreca u arrestua pasi doli në komunikime të lidhura me kultivimin e drogës. Një muaj para ndalimit të tij nga SPAK, ai u arrestua nga policia e Lezhës për lidhje me një grup që kultivonte kanabis sativa. Pas dy ditësh në qeli, gjykata e liroi, por më pas SPAK i vendosi prangat përsëri.
Ndaj tij, SPAK ka ngritur akuzat për prodhim dhe shitje të narkotikëve në kuadër të një grupi kriminal. Në dosjen ku është i përfshirë, është gjithashtu i përfshirë ish-deputeti Arben Ndoka.
LEXONI GJITHASHTU:
- Vëllai i deputetit të PS i shpëton burgut, Gjykata e Lezhës liron Armando Ndrecën
- Operacion antidrogë në Lezhë, arrestohet vëllai i deputetit socialist