Gjykata e Lartë ka rrëzuar rekursin e kryetarit të zgjedhur të bashkisë Himarë Fredi Beleri.

Përmes avokatëve të tij Beleri ka kërkuar një masë më butë sigurie se arresti me burg.

Rekursi i Belerit dhe Pandeli Kokaveshi u shqyrtua në dhomë këshillimi. Më herët Belerit i është refuzuar liria edhe nga Gjykata e Posaçme.

Beleri mbahet në burg që prej 12 majit të këtij viti pasi u arrestua për blerjen e votave në prag të zgjedhjeve lokale të 14 majit.

Prokuroria e akuzon fituesin e zgjedhjeve në Himarë se u ka dhënë 40 mijë lekë të reja 8 qytetarëve për te votuar në favor të tij gjatë zgjedhjeve lokale.

Mbajtja e tij në burg ka sjellë një përplasje me Athinën zyrtare e cila e akuzon qeverinë shqiptare se po e mban në qeli politikisht Fredi Belerin për të mos i lejuar betimin si kryebashkiak.

LEXONI GJITHASHTU:

• Baton Haxhiu: Arrestimi i Belerit i nxituar, duhej të pritej momenti i duhur
• Dhoma e Avokatëve grekë konferencë në Tiranë: Të lirohet Beleri!