Ndërsa BE kërkon rezultate konkrete për reformën në drejtësi, një i dënuar me 20 vite burg është liruar nga Gjykata.
- Advertisement -
Ergys Kolaveri i dënuar për atentatin ndaj Gazmir Dacit në burgun e Vaqarrit ka lënë qelinë ditën e sotme. Apeli i Tiranës ka ndryshuar masën e sigurisë nga “arrest me burg” në “arrest shtëpie”.
Dosja e Kolaverit pas ngritjes së SPAK kaloi në Gjykatën e Tiranës për shkak të kompetencës. Në këtë gjykatë Kolaveri kërkoi rishikim të vendimit dhe ndryshimin e tij.
Ergys Kolaveri akuzohet se në gusht të 2016 tentoi të vriste me snajper në burgun e Vaqarit Gazmir Dacin. Ky i fundit ndodhej në qeli për shkak se kishte vrarë vëllain e Ergys Kolaverit, Volterin ngjarje e ndodhur në Bathore në nëntor të 2015.
