Dy punonjës të Policisë Rrugore janë dhunuar nga tre persona në zonën pranë mbikalimit në qytetin e Bulqizës.
- Advertisement -
Policët ndaluan për kontroll një automjet tip “Benz” pasi u konstatua se kryente manovra gjatë lëvizjes.
Shoferi ka refuzuar që të kryejë testin e alkoolit duke kundërshtuar efektivët.
Bashkë me dy pasagjerët, shoferi më pas ka goditur dy punonjësit e policisë.
Pas kësaj, policia ka vënë në pranga një 30-vjeccar me banim në Bulqizë kurse dy pasagjerët kanë arritur të largohen.
Ata janë identifikuar dhe shpallur në kërkim.
Nga testi i alkoolit rezultoi se shoferi ishte në gjendje të dehur.
