Drejtori i Policisë së Shtetit Muhamet Rrumbullaku shkarkoi nga detyra dhe përjashtoi nga radhët e policisë shefin e Komisariatit Pukë Pjerin Lazri pasi goditi dhe kërcënoi një qytetar.
Policia tha se vendimi erdhi pas publikimit të një videoje denoncuese të një qytetari në një emision investigativ, ku shfaqet shefi i Komisariatit të Policisë Pukë, duke shkelur Kodin e Etikës dhe të komunikimit, si dhe duke goditur një shtetas.
“Drejtori i Përgjithshëm i Policisë së Shtetit sapo është njohur me rastin, ka shkarkuar nga detyra dhe ka përjashtuar menjëherë, nga radhët e Policisë së Shtetit, shefin e Komisariatit të Policisë Pukë, për shkelje të rëndë të Kodit të Etikës dhe të komunikimit dhe për tejkalim të kompetencave, duke abuzuar rëndë me atributet që i jep ligji dhe detyra”, sqaron policia.
LEXONI GJITHASHTU: