Një grevë mbarëkombëtare në shenjë proteste kundër reformave të mundshme të pensioneve dëmtoi trafikun ajror dhe hekurudhor në Belgjikë të hënën dhe shumë shkolla mbetën të mbyllura.
Pothuajse gjysma e të gjitha fluturimeve në aeroportin e Brukselit u anuluan pasi punonjësit e bagazheve, sigurimi dhe stafi tjetër tokësor hynë në grevë, ndërsa operatori kombëtar i trenave NMBS tha se po qarkullonte vetëm një numër të kufizuar trenash në të gjithë vendin.
Transporti publik në kryeqytetin Bruksel gjithashtu u ndikua rëndë.
Gjithashtu shkollat u mbyllën dhe qindra, mijëra mësues priten të bashkohen në një tubim kombëtar në Bruksel për të protestuar ndaj reformave të pensioneve që po diskutohen nga partitë që përpiqen të formojnë një qeveri të re pas zgjedhjeve të qershorit 2024 .
Bisedimet për formimin e qeverisë janë zvarritur me muaj pa ndonjë përparim të vërtetë, pasi pesë partitë në tryezë vazhdojnë të mos pajtohen për financat e qeverisë dhe reformat e kontestuara të pensioneve.
LEXONI GJITHASHTU:
