Sekretari i Përgjithshëm i Kombeve të Bashkuara, Antonio Guterres, i konsideron të papranueshme vdekjet e civilëve në Rripin e Gazës dhe bën thirrje që ajo të ndalet menjëherë, tha zëvendës zëdhënësi i OKB-së, Farhan Haq.
“Izraeli duhet të respektojë detyrimet e tij sipas ligjit ndërkombëtar humanitar, të cilat përfshijnë përdorimin proporcional të forcës dhe marrjen e të gjitha masave paraprake të mundshme për të kursyer civilët dhe objektet civile”, tha Haq, sipas Reuters.
Më parë u raportua se Egjipti filloi sot ndërmjetësimin e bisedimeve të paqes midis izraelitëve dhe palestinezëve për t’i dhënë fund përleshjeve në Gaza që kanë vazhduar dy ditët e fundit.
Që nga fillimi i vitit, forcat izraelite të sigurisë kanë vrarë më shumë se 100 palestinezë, shumica e të cilëve ishin luftëtarë të grupeve ekstremiste dhe mes tyre civilë.
Të paktën 18 izraelitë dhe shtetas të huaj u vranë gjithashtu në përleshjet.
LEXONI GJITHASHTU:
- Intensifikohen luftimet në Rripin e Gazës, Izraeli vret 23 palestinezë
- Izraeli ndërmerr sulme në Rripin e Gazës, vriten 3 komandantë të Xhihadit Islamik
