Pas lajmit për hakimin e disa faqeve qeveritare ka reaguar edhe AKSHI. Në njoftim thuhet se tashmë situata është kthyer në normalitet dhe faqe publike janë rikthyer në funksionim të plotë.

AKSHI thekson se Prej kohësh Shqipëria ka qenë nën vëmendjen maksimale të sulmuesve dhe keqbërësve kibernetik, gjë që kërkon vëmendje maksimale.

Njoftimi i AKSHI-t:

Informojmë opinionin publik se aktualisht gjendemi nën sulme masive, të shpërndara të formatit ‘Distributed Denial-of-Service’ (DDoS) duke bllokuar rrjetin me tentativa ilegjitime aksesimi të faqeve publike.

Situata është rikthyer në normalitet pas rreth 60 minutash dhe faqet qeveritare janë sërish në funksion të plotë. Theksojmë se sulme të tilla nuk kanë asnjë lidhje me sigurinë e sistemeve dhe të dhënave në to, por vetëm me bllokimin e faqeve publike.

Prej kohësh Shqipëria ka qenë nën vëmendjen maksimale të sulmuesve dhe keqbërësve kibernetikë.

Siguria kibernetike dhe e informacionit është një nga sfidat më të mëdha në epokën digjitale. Identifikimi në kohë i kërcënimeve, reagimi i shpejtë, dhe forcimi i sigurisë është një proces kompleks i cili kërkon vëmendjen e duhur dhe marrje masash të përshtatura sipas kohës dhe mënyrës së sulmeve, rast pas rasti.

LEXONI GJITHASHTU:

• Sulm kibernetik ndaj Agjencisë Bërthamore, njoftojnë autoritetet iraniane
• Ndërhyrja në sistemin TIMS, Prokuroria kërkon hetime shtesë për çështjen