Producenti Harvey Weinstein është dënuar me 23 vite burg pasi u shpall fajtor për përdhunim dhe abuzim seksual.
Dikur, 67-vjeçari ishte ndër personat më me pushtet në Hollivud.
Por fama e tij u zbeh kur dhjetëra gra ngritën zërin për të denoncuar sjelljet e tij të pahijshme në 2017.
Kjo nxiti dhe lëvizjen #MeToo ku gra nga e gjithë bota u bënë bashkë për të ndarë eksperiencat e ngacmimeve seksuale.
Weinstein akuzohet për abuzimin e e dhjetëra grave.
Në shkurt, ai u dënua për përdhunimin e një gruaje në një dhomë hoteli në Nju Jork në vitin 2013 dhe se kishte detyruar një grua tjetër që të kryente seks oral në apartamentin e tij në 2006.
Përpara se gjykatësi të shpallte vendimin, ish-aktorja dhe asistentja e produksionit u përballën me sulmuesin e tyre pasi dëshmia e tyre ndihmoi në përmbylljen e gjykimit të tij.
