Për Prokurorinë e Përgjithshme dhe titullarin e këtij institucioni, Olsian Çela është plotësisht e mundur që krimet zgjedhore me ligj të kalojnë nën juridiksionin e SPAK-ut. Në përgjigjen kthyer Komisionit të Reformës Zgjedhore, në lidhje me propozimet e saj për ndryshimet ligjore që prekin prokurorinë, Prokuroria shprehet dakord që në nenin për krimet zgjedhore të përfshihen edhe veprat e korrupsiont aktiv dhe pasiv.

Ndërsa për të gjitha propozimet e tjera të Komisionit, kryeprokurori Olsian Çela pretendon se ato nuk gjejnë mbështetje në legjislacionin aktual. Kreu i organit të akuzës i përgjigjet Partisë Demokratike se në legjislacion nuk mund të parashikohet përmbajtja e  udhëzimeve që mund të nxjerrë prokuroria pasi prek pavarësinë.

Po ashtu edhe raportimi i kryeprokurorit dhe i drejtuesit te SPAK 3 muaj pas zgjedhjeve për gjendjen e kriminalitetit sipas Olsian Çelës është i pamundur sepse hetimi i çështjeve mund të zgjasë më shumë se aq, por ai sugjeron që në projektligj të vendoset një seksion i veçantë që drejtuesi i SPAK të raportojë në Kuvend për situatën e krimeve zgjedhore