Kryetarja e Komisionit Hetimor për koncesionet në Shëndetësi, Albana Vokshi, deklaroi se vizitat e deputetëve në Gjermani për të parë të parë ndeshjet e Kombëtares, janë bërë shkak i mos zhvillimit të mbledhjeve të planifikuara.
Gjatë kësaj daljeje, Vokshi paralajmëroi se do të depozitohen kallëzime për ato institucione që nuk kthejnë përgjigje të kërkesave për informacionin që kërkon Komisioni Hetimor.
Kujtojmë se Komisioni Hetimor për PPP-të në Shëndetësi ka nisur më herët nga spitali i Durrësit vizitat në terren për t’u njohur me situatën dhe problematikën e tyre.
Kryetarja dhe anëtarë të këtij komisioni u takuan me drejtuesit, shefat e shërbimeve dhe kryeinfermierin e spitalit të Durrësit dhe kanë marrë përgjigje prej tyre për çështjet që do të trajtohen dhe në dëgjesat me dëshmitarë.
Seancat dëgjimore ishin planifikuar të nisin në fillim të qershorit, ndërsa konkluzionet do të jepen më 21 korrik.
LEXONI GJITHASHTU:
- Nis me debate mbledhja e komisionit hetimor për shëndetësinë
- Zbardhet drafti i plotë i PS për Komisionin Hetimor në Shëndetësi