Azat Oncel, një 34-vjeçar turk, i shpallur në kërkim ndërkombëtar, është arrestuar ditën e enjte në Pikën Kufitare të Muriqanit. Ai rezulton i dënuar nga Gjykata e Krimeve të Rënda në Sakarya, në Turqi, me 13 vjet e 2 muaj burg për akuzën e “Trafikimit të lëndëve narkotike”.
Autoritetet turke e kishin dënuar 34-vjeçarin për veprën penale të trafikimit të lëndëve narkotike, dhe për këtë arsye ai do të ekstradohet në Turqi për të vuajtur dënimin e mbetur prej 10 vjetësh e 20 ditësh.
“Si rezultat i kontrolleve të intensifikuara dhe shkëmbimit të informacionit me Interpol Tiranën, Policia Kufitare ka arritur të kapë shtetasin A.O., banues në Turqi, i cili ka qenë në kërkim ndërkombëtar për një periudhë të gjatë”, thuhet në njoftimin e policisë.
34-vjeçari pritet të ekstradohet në Turqi për të vuajtur dënimin e tij.
LEXONI GJITHASHTU:
- Kapen 8 kg kokainë dhe sekuestrohen 200,000 euro cash në Angli, arrestohet shqiptari
- Lëvizte me taksi për të shmangur policinë, arrestohet me doza kanabisi 21-vjeçari