Ushtari amerikan që kaloi kufirin në Korenë e Veriut është Travis King, kanë thënë zyrtarët amerikan.
Sipas mediave të huaja, ushtari po shoqërohej jashtë vendit për arsye disiplinore dhe kishte kaluar përmes sigurisë së aeroportit, por arriti të dilte nga terminali përpara se të bashkohej në një turne kufitar.
Incidenti ndodh në një kohë kur tensionet mbi programin bërthamor të Koresë së Veriut janë intensifikuar.
Sakaq, komanda e OKB-së e drejtuar nga Shtetet e Bashkuara dhe që mbikëqyr zonën, njoftoi në Twitter se ushtari amerikan po bënte një vizitë turistike në fshatin kufitar Panmunjom.
Në njoftim thuhet më tej se ai po mbahet aktualisht në paraburgim në Korenë e Veriut dhe se Komanda e OKB-së po punon me homologët koreano-veriorë për t’i dhënë zgjidhje incidentit.
LEXONI GJITHASHTU:
- “Draft i Ramës, gafë politike” / Ramabaja: E pritshme nga një kryeministër artist
- Kinema verore në Durrës, në shkallët e sfinksit qytetarët shijojnë magjinë e filmave
