Çmimet e konsumit në Mal të Zi u rritën në korrik me 14,9 për qind me bazë vjetore, sipas të dhënave të reja paraprake të Administratës së Statistikave, Monstat.
Është gjithashtu një vlerë e re rekord që nga viti 2008, kur Monstat publikoi indeksin e çmimeve të konsumit, si dhe që nga futja e euros në Mal të Zi në vitin 2002.
Ky është muaji i katërt radhazi që në Mal të Zi regjistrohet i ashtuquajturi inflacion galopant, pra rritje dyshifrore e çmimeve të konsumit në bazë vjetore.
Sipas të dhënave të reja, nga korriku i vitit të kaluar deri në të njëjtin muaj të vitit 2022, rritja më drastike e çmimeve është shënuar te lëndët djegëse të ngurta, me 49,9 për qind, pasuar nga nafta me 37,6 për qind dhe perimet me 35,8 për qind.
Në të njëjtën kohë, buka dhe drithërat u rritën me 33,3 për qind, karburantet me 32,2 për qind, qumështi dhe vezët me 29,3 për qind, shërbimet e akomodimit me 29 për qind, mirëmbajtja e apartamenteve me 25,3 për qind dhe mjalti dhe sheqeri me 22,6 për qind.
Nga ana tjetër, më së shumti ranë çmimet e furnizimit me ujë, me 7.5 për qind, aranzhimet e paketave turistike me pesë për qind, kanalizimet me 4.8 për qind dhe pajisjet audio-video me 4.5 për qind.
LEXONI GJITHASHTU: