Vendimi i Rusisë për të ndaluar dërgimin e gazit për disa shtete në Evropë është “një instrument shantazhi”, shprehet shefja e Komisionit Evropian Ursula von der Leyen.
Si Kievi ashtu edhe Brukseli thonë se Moska po përdor energjinë për të shantazhuar vendet që mbështesin Ukrainën.
Ajo thekson se vendet anëtare të BE-së kanë plane emergjence për këtë skenar dhe Komisioni Evropian është në kontakt të ngushtë më të gjithë shtetet për të siguruar dërgesat alternative.
Gjigandi rus i energjisë Gazprom paralajmëron Poloninë dhe Bullgarinë se do të ndërpresë furnizimin me gaz nëse dy shtetet nuk paguajnë me rubla.
Presidenti rus Vladimir Putin ka kërkuar që vendet që ai i cilëson “jomiqësore” të zbatojnë një skemë sipas së cilës ata duhet të hapin llogari në Gazprombank dhe të bëjnë pagesat për importet e gazit rus në rubla.
LEXONI GJITHASHTU:
- Rusia paralajmëron Poloninë dhe Bullgarinë me ndërprerje të furnizimit me gaz
- Paguani me rubla ose do t’i japim fund kontratave të gazit, kërcënon Putin
- Me Putinin në pushtet nuk ka paqe në Evropë, thotë ish-komandanti i NATO-s
