Superkupa e Italisë luhet mbrëmjen e sotme në Arabinë Saudite, një finale mes Interit dhe Milanit. Rivalët e përjetshëm të kampionatit Italian përballen së bashku me qëllimin e vetëm ngritjen lart të trofeut. Milani vjen në këtë finale si kampioni në fuqi i Serisë A, ndërsa zikaltrit si fitues të kupës.
Skuadra e Stefano Piolit konfirmon 5 mungesa, duke nisur nga porta me Menjo, më pas Balo Ture, Kruniç, Florenci dhe Ibrahimoviç, në dyshim Rebiç. Tek Interi në dyshim është vetëm sulmuesi belg Lukaku, ndërsa Inzagi duhet të bëjë pa Dalbert, Brozoviç dhe Handanoviç.
Aktualisht të dyja ekipet nga Milano vijnë me një formë të mirë në kampionat, zikaltrit pas fitores me Veronën, ndërsa Milani barazoi me Leçen. Skuadra që e ka fituar më së tepërmi këtë trofe është Juventusi që numëron 9 të tillë, ndërkohë fituesi i herës së fundit është Interi. Milani renditet i dyti, ku ka triumfuar 7 herë në Superkupë. Ndeshja do të gjykohet nga 41-vjeçari Fabio Mareska.
LEXONI GJITHASHTU: