Nga përmbytjet që sollën reshjet e mëdha të shiut në Gjermani, qindra njerëz kanë humbur jetën e shumë të tjerë janë zhdukur.

Reshjet e shumta në të gjithë Europën perëndimore kanë bërë që lumenjtë kryesorë të dalin nga shtretërit e tyre.

Përmbytje këtë javë janë raportuar dhe në Belgjikë, Holandë, Francë dhe Zvicër. Pjesë të Londrës po ashtu u përmbyten nga shirat e fuqishëm.

Ndërsa Europa dhe Amerika po përballen me mot të paqëndrueshëm, shkencëtarët e klimës po shqetësohen gjithnjë për situatën e viteve të ardhshme.

Si po ndikojnë ndryshimet klimatike te përmbytjet?

Për shkak të modeleve të motit të shkaktuara nga ndryshimi i klimës globale, mundësitë për përmbytje janë rritur ndjeshëm. Ndryshimet në gjeografinë e tokës gjithashtu kanë një rol te përmbytjet.

Me disa bimësi dhe barriera të tjera tokësore që prishen si rezultat i ndryshimit të temperaturave dhe motit të çuditshëm, shumë nga masat natyrore parandaluese kundër përmbytjeve nuk ekzistojnë më.

Dëshmitë sugjerojnë se temperaturat rriten me një shpejtësi më të lartë mbi Ekuatorin, domethënë vendet në Hemisferën Veriore, të tilla si Amerika dhe Britania e Madhe, ka të ngjarë të përjetojnë ndryshime më të rëndësishme.

LEXONI GJITHASHTU:

• Të jesh pranë gjinkallave për të kuptuar ndryshimet klimatike
• Ndryshimet klimatike po shkatërrojnë veprat më të vjetra të artit nëpër shpella
• Objektivat e samitit të G7, vaksina për vendet e varfra, ndryshimet klimatike dhe raportet me Kinën dhe Rusinë