Në Shqipëri kamerat e sigurisë publike janë të një cilësie jo të mirë.

Ato kryesisht shërbejnë për menaxhimin e trafikut pasi kanë rezolucion të ulët.

Në kryeqytet, kamerat e sigurisë publike menaxhohen nga bashkia dhe një pjesë nga policia.

Në pamjet e këtyre kamerave në shumicën e rasteve, sidomos në errësirë, vështirë të dallohet targa e një automjeti të dyshuar apo fytyra e kalimtarëve.

Megjithatë në Tiranë ku zonat kryesore janë të mbuluara me kamera për sigurinë, pjesën më të madhe të krimeve i kanë zbardhur kamerat e bizneseve.

Në vitin 2016 qeveria miratoi ligjin për masat shtesë të sigurisë publike që detyrojë privatët të instalojnë kamerat e sigurisë.

Po në këtë vit u prezantuan edhe kamerat e trupit për punonjësit e policisë, por që sipas burimeve të Euronews Albania prej më shumë se 1 viti kanë dalë jashtë përdorimit për shkak të mos mirëmbajtjes dhe problemeve me serverin.

Burime bëjnë me dije se në disa akse të kryeqytetit kanë filluar të instalohen kamera të tjera, të sofistikuara dhe me algoritëm për të dalluar apo gjurmuar mjete e persona të dyshuar.

LEXONI GJITHASHTU:

• Kamerat e sigurisë kapin momentet e aksidentit të rëndë në Elbasan
• Aksion i madh policor në Kosovë, largohen kamerat ilegale në Shtërpcë