Elizabeth Warren pritet të bëjë të ditur tërheqjen nga gara presidenciale në SHBA. CNN dhe AP raportojnë se vendimi vjen pas rezultatit zhgënjyes që mori në zgjedhjes së Super të Martës.
- Advertisement -
Senatorja e Massachusetts, e cila kishte premtuar se do të zhdukte korrupsionin, në raundin e parë në Iowa doli e treta, ndërsa më pas në New Hampshire dhe Nevada ra në vendin e katërt, kurse në South Carolina ishte e pesta.
Shpresa e saj u dëmtuan rëndë nga rezultati më i fundit, ku nuk arriti dot të fitonte as në vendin e saj, Massachusetts pasi doli e treta pas ish-zv. Presidentit, Joe Biden dhe Bernie Sanders.
Lajmin për tërheqjen nga gara e ka raportuar fillimisht gazeta “The New York Times”, duke iu referuar një burimi pranë kandidates demokrate.
