Gjatë zgjedhjeve të përgithshme parlamentare që pritet të mbahen këtë të dielë në Greqi, janë në garë për një vend në parlament dhe 7 shqiptarë. Ndër më të spikaturit prej tyre është dhe Fatos Malaj, i cili kandidon nën siglën e Partisë Socialiste (PASOK). Në një intervistë për Euronews Albania, Malaj tha se kandidaimi i shqiptarëve është pritur mirë nga shumica e qytetarëve grekë.
Sakaq, ai shtoi se tashmë emigrantët shqiptarë janë integruar në shoqërinë greke dhe se ka ardhur koha që të vendosin si në fushën politike ashtu edhe në aspekte të tjera të vendimmarrjes.
“Numri më i madh i popullsisë po e shikon me një sy pozitiv kandidimin e shqiptarëve në zgjedhjet në Greqi. Në këtë moment emigrantët shqiptarë janë integruar në shoqërinë greke dhe nuk shihen më me atë syrin që shiheshin më përpara. Çdo fillim ka një vështirësi, dhe vetë qytetarët grekë kur kanë emigruar kanë patur problematikat e tyre dhe sot janë nga lobet më të fuqishme në Amerikë, Australi dhe vendet evropiane. Tani erdhi ora që dhe emigrantët shqiptarë pas kaq shumë vitesh në Greqi janë integruar në shoqëri, sidomos brezi i dytë i emigrantëve që kanë lindur këtu dhe kanë studiuar, do të jenë e ardhmja që do të vendosin si në fushën poolitike por dhe fushat e tjera që kanë të bëjnë me shoqërinë greke”, tha Malaj.
LEXO GJITHASHTU:
- 5 ditë larg zgjedhjeve në Greqi, inflacioni dhe kostoja e lartë, problemet kryesore
- Zbulohet data kur Beleri del në GJKKO, caktohet gjyqtarja e çështjes (Emri)