English

Kaos në porte dhe dogana, sistemi TIMS jashtë funksionit, qytetarët në radhë

KOMENTE

SHPERNDAJE
ARTIKULLIN

Text sizeAa Aa

Hakerimi i sistemit TIMS nga hakerat iranianë ka shkaktuar kaos në portet dhe doganat e vendit.

- Advertisement -

Gazetarja Ebrieta Maçaj raportoi nga porti i Vlorës se aty ka radhë dhe fluks pasagjerësh, pasi procedura e hyrje daljeve po bëhet manualisht me regjistra. Qytetarët po presin me orë të tëra në radhë në këtë port.

Ndërkohë, e njëjta situatë është në pikat kufitare në juglindje të vendit.

Gazetari Xhensil Shkëmbi raportoi nga Korça se në 3 pikat kufitare që ndodhen në këtë qark, procedurat e hyrje daljeve po kryen manualisht.

Në të trija pikat kufitare është krijuar radhë dhe trafik mjetesh, ndërsa janë shtuar dhe punonjësit që po bëjnë regjistrimet e personave që futen dhe dalin nga Shqipëria.

Situata është më problematike në pikën Kufitare të Kapshticës.

Kryeministri Edi Rama ka njoftuar mëngjesin e së shtunës se hakerat iranianë kanë sulmuar sistemin TIMS. Nëpërmjet një postimi në Twitter, kreu i qeverisë shqiptare nënvizon se po punohet pa orar me aleatët për t’i bërë të papenetrueshme sistemet tona digjitale.

Ky nuk është sulmi i parë i Iranit ndaj Shqipërisë. Pak javë më parë u sulmuan sistemet qeveritare. Për këtë arsye Shqipëria ka ndërprerë marrëdhëniet me shtetin e Iranit.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?