Sherif Durmishaj ose i njohur ndryshe si kapiten Baçi ka folur sot në Euronews Albania në programin “People” të Flori Gjinit, mbi rastin e veçantë ku në rrjetat e një peshkatari në Vlorë ka rënë një peshkaqen ”Derr”.
Kapiten Baçi rrëfen se peshkatari Viktor Koçaj kishte kapur këtë peshkaqen dhe ja kishte sjellë duke i thënë se nuk kishte parë ndonjëherë si ky lloj.
“Peshkaqeni kishte rënë në rrjetë dhe fatmirësisht ishte gjallë dhe peshkatari Koçaj e kishte futur në një kovë me ujë. Pasi e pashë kontaktova me specialistët dhe një shoqatë kroato-boshnjake që merret më specjet, konkretisht me peshkaqenët. Pasi e verifikuan, ata më thanë që ky hyn te peshkaqenët “Derr” por është shumë i rrallë dhe i veçantë”, thotë kapiten Baçi.
Kujtojmë se një nga speciet e rralla të peshkaqenit “Derr” ka rënë në rrjetat e peshkatarëve në zonën e Pashalimanit. Sipas specialistëve, kjo specie është e rrallë, gjendet në thellësi mbi 300 m dhe ushqehet kryesisht me vezët e peshkaqenëve. Kjo specie është në mbrojtje dhe peshkatarët e Radhimës e kanë lëshuar sërish në det.
LEXONI GJITHASHTU:
- Ekspozita “Tako një peshkatar”, historia dhe tradita e peshkimit në liqenin e Ohrit
- “Peshkaqeni fantazëm”, shkencëtarët e Zelandës së Re zbulojnë specie të reja
