Gjykata e Lezhës ka refuzuar për herë të dytë kërkesën për lirim të Ruben Saraivës, shtetasit portugez të akuzuar për vrasjen e biznesmenit Ardian Nikulaj në prill të vitit 2023 në Shëngjin.
Vendimi u mor gjatë seancës gjyqësore të zhvilluar këtë të enjte, e cila u mbajt nën masa të rrepta sigurie.
Pas shqyrtimit të argumenteve të paraqitura nga palët, gjyqtari Lirim Bulica vendosi që Saraiva të vijojë të qëndrojë në paraburgim, duke vlerësuar se nuk ka kushte për ndryshimin e masës së sigurisë.
Ruben Saraiva u ekstradua në Shqipëri më 31 dhjetor 2023, pasi autoritetet marokene pranuan kërkesën e drejtësisë shqiptare për dorëzimin e tij. Ai është dërguar për gjykim si i pandehur për vrasjen me paramendim të Nikulajt, ngjarje që tronditi opinionin publik dhe për të cilën po zhvillohen hetime të zgjeruara.
- Vrasja misterioze e Ardian Nikulajt në Shëngjin, Maroku pranon ekstradimin e autorit
- Iu bë atentat, ndërron jetë kushëriri Ardian Nikulaj. Gjendet makina e djegur
