Ambasadorja amerikane Yuri Kim i është përgjigjur ish-kryministrit Sali Berisha, se SHBA do vazhdojë betejën kundër korrupsionit dhe se do të inkurajojë gjyqtarët të bëjnë punën e tyre.
Në një postim në Twitter ambasadorja shprehet se SHBA do të vazhdojë të mbështesë Reformën në Drejtësi dhe se askush nuk është mbi ligjin.
“Nëse ‘ndërhyrja në procesin gjyqësor’ nënkupton inkurajimin e gjyqtarëve dhe prokurorëve që të bëjnë punën e tyre pavarësisht kërcënimeve apo nxitjeve, duke e bërë të qartë SHBA do të vazhdojë të mbështesë zbatimin e reformës në drejtësi në Shqipëri, duke nënvizuar se askush nuk është mbi ligjin dhe duke kërkuar që të gjithë ne duhet të bëjmë pjesën tonë për të luftuar kundër korrupsionit dhe mosndëshkimit, atëherë PO, SHBA ka bërë dhe do të vazhdojë ta bëjë pikërisht këtë- sepse lufta kundër korrupsionit dhe përpjekjet për të minuar demokracinë përbëjnë një interes thelbësor të sigurisë kombëtare të SHBA-së”, shkruan Kim.
Mëngjesin e sotëm, ish-kryeministri Sali Berisha akuzoi ambasadoren amerikane se po ndërhyn direkt në procesin gjyqësor të Partisë Demokratike.
Ish-kryeministri i bëri thirrje qeverisë së SHBA që të “ndalojë ndërhyrjet e përfaqësueses së saj në proceset gjyqësore në Shqipëri”.
Berisha tha se ambasadorja Kim ka pasur takime për të ndikuar në vendimmarrjen e Gjykatës së Apelit.
1/2 If “interfering in the judicial process” means encouraging judges & prosecutors to do their jobs despite threats or inducements, making clear 🇺🇸 will continue to support implementation of justice reform in 🇦🇱, underlining that no one is above the law, and urging that…
— Ambassador Yuri Kim (@USAmbAlbania) April 22, 2022
LEXONI GJITHASHTU:
- Gjykata e Apelit rikthen për gjykim çështjen e PD-së
- Berisha: SHBA të ndalojë ndërhyrjet e Yuri Kim në gjyqësor
