Udhëheqësi i Koresë së Veriut, Kim Jong Un, mbikëqyri testimin e suksesshëm të “dronëve të rinj vetëvrasës”, njoftuan mediat shtetërore të Koresë së Veriut.
Testimi u krye gjatë vizitës së Kim Jong Un në Institutin e UAV-ve të Akademisë së Shkencave të Mbrojtjes dhe UAV-të e llojeve të ndryshme identifikuan saktë dhe shkatërruan objektiva të caktuara pasi fluturuan përgjatë rrugëve të paracaktuara, sipas agjencisë KCNA.
Udhëheqësi i Koresë së Veriut tha se është e nevojshme të zhvillohen dhe prodhohen më shumë “dronë vetëvrasës” që do të përdoren nga këmbësoria taktike dhe njësitë e operacioneve speciale.
Kim Jong Un theksoi nevojën për kryerjen më intensive të testeve për përdorimin luftarak të dronëve dhe pajisjen e njësive të ushtrisë së Koresë së Veriut me to sa më shpejt të jetë e mundur. Reuters raporton se fotot e publikuara nga media shtetërore tregojnë të paktën katër lloje të ndryshme dronësh.
Ministria e Unifikimit të Koresë së Jugut tha se ishte hera e parë që Pheniani kishte shfaqur “dronë vetëvrasës”, të cilët kaluan kufirin me Korenë e Jugut në vitin 2022 dhe madje hynë për një kohë të shkurtër në zonën e ndalim-fluturimit rreth zyrës presidenciale të Seulit, sipas agjencisë.
Seuli ka thënë se do të vendosë armë lazer për të rrëzuar dronët e Koresë së Veriut këtë vit, duke e bërë Korenë e Jugut vendin e parë në botë që vendos armë të tilla në ushtrinë e saj.
Koreja e Jugut dhe Shtetet e Bashkuara filluan javën e kaluar stërvitjet e përbashkëta vjetore ushtarake, të cilat përfshijnë ushtrimin e mbrojtjes kundër dronëve të Koresë së Veriut.
LEXONI GJITHASHTU:
- Putin vulos partneritetin strategjik me Kim Jong Un/ Çfarë pritet nga marrëveshja?
- Kim Jong Un: Marrëveshja e re me Rusinë është paqësore dhe mbrojtëse
