English

Kina dhe SHBA firmosin marrëveshjen që i jep fund luftës tregtare

KOMENTE

SHPERNDAJE
ARTIKULLIN

Text sizeAa Aa

Të mërkurën, presidenti Donald Trump ka firmosur një marrëveshje tregtare me Kinën që pritet të rrisë eksportet e fermerëve dhe prodhuesve amerikanë dhe ka për qëllim të ulë tensionet mes dy fuqive ekonomike.

- Advertisement -

Gjatë një ceremonie në Shtëpinë e Bardhë, Trump e ka cilësuar marrëveshjen si “ndreqja e gabimeve të së shkuarës”, duke e promovuar si një mënyrë për të sjellë drejtësinë ekonomike tek punëtorët amerikanë teksa tha: “Kjo firmë do të shënojë një oqean të tërë ndryshimesh për tregtinë ndërkombëtare”.  

Lideri kinez, Xi Jinping, në një letër drejtuar Trump,  tha se përmbyllja e fazës së parë të marrëveshjes tregtare ishte “një gjë e mirë për Kinën, SHBA-në dhe mbarë botën”.

Por “faza e parë” e marrëveshjes tregtare do të ishte e pakët për ta detyruar Kinën të ndërmarrë ndryshimet e mëdha ekonomike, siç është ulja e subvencioneve të padrejta për kompanitë e veta, që administrata e Trump ia kërkoi kur filloi luftën tregtare, duke i vendosur tarifa importeve kineze në korrik të 2018-s.

Ceremonia në Shtëpinë e Bardhë i dha presidentit Trump një mundësi për të cituar progresin e përparësive ekonomike, në të njëjtën ditë kur Dhoma e Përfaqësuesve dërgoi akuzat e shkarkimit për gjyqin e tij në Senat.

“Përpjekjet tona i kanë dhënë jetë një marrëveshje transformuese, e cila do të sjellë përfitime për të dyja vendet”, tha Trump.

Ai shtoi se “mbajtja e këtyre dy kombeve të mëdha dhe të fuqishme bashkë, e në harmoni, është shumë e rëndësishme për botën” dhe tha se “e gjithë bota është duke na parë sot”.

Marrëveshje synon të lehtësojë disa nga sanksionet ekonomike që SHBA-ja i ka vënë Kinës, teksa Pekini do të rrisë blerjet e produkteve të fermerëve amerikane. Trump citoi si shembuj, mishin e lopës, derrit dhe të pulës si dhe frutat e detit, orizin dhe prodhimet e bulmetit.   

Marrëveshja do të ulë gjithashtu tensionet e një konflikti tregtar që ka ngadalësuar rritjen ekonomike globale, që ka lënduar prodhuesit amerikanë dhe është kthyer në një barrë për ekonominë kineze.

Në fjalën e tij përballë zyrtarëve të administratës së tij, ligjvënësve dhe disa liderë biznesesh, përpara se të firmoste Trump tha përpara se “marrëveshja e pabesueshme” ishte e dobishme për të dyja vendet dhe do të “çonte drejt një paqe më të qëndrueshme në mbarë botën”.

Etiketimet

TË FUNDIT

spot_img

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?