E shtuna vjen me një supersfidë në Superligën Shqiptare, ajo mes Vllaznisë dhe Tiranës e cila garanton spektakël në fushë ne lojës dhe jo vetëm.
Edhe shkallët e Loro Boricit pritet të mbushen nga tifozët, më tepër ata vendas, me klubin shkodran që po kalon një formë fantastike.
Përgatitjet kanë marrë fund, ndërsa të dy teknikët kanë analizuar ndeshjen.
“Ndeshje e rëndësishme, e kemi përgaittur, secili të bëjë detyrat e kërkuara. Rikthehen Përgjoni Deliu, Meta Najdovski janë mungesat e kësaj sfide”- u shpreh Erbim Fagu.
“E kam përgatitur këtë ndeshje për ta fituar, është sfidë prestigji”-tha Qatip Osmani.
Më tej tekniku Osmani ka shtuar se forma e bardhebluve nuk duhet marrë parasysh.
Vllaznia është skuadra me ecurinë më të mirë në kampionatin shqiptar aktualisht ndërsa renditet në vendin e dytë, teksa bardheblutë janë 8 pikë prapa. Sfidat e dy fazave të para, janë mbyllur me një fitore të Tiranës dhe një të ekipit shkodran.
LEXONI GJITHASHTU:
- Humbën jetën në shpërthimin në Lushnje, babë e bir sot kishin nisur punë
- Anti-izraelit e i lidhur me Kinën, kush është politikani kontravers George Galloway
