Kolumbia është eksportuesi i dytë më i madh në botë i luleve dhe Dita e Shën Valentinit është një datë e shënuar me të kuqe. Dhe nëse jeni britanik, holandez apo spanjoll do të dekoronit shtëpinë tuaj. Por Kolumbia është gjithashtu një nga vendet prodhuese të kokainës dhe trafikantët përpiqen të fshehin me zgjuarsi drogën në dërgesat e luleve. Për të luftuar një fenomen të tillë fermat funksionojnë nën masa të rrepta sigurie. Kamerat monitorojnë çdo hap të procesit për të mbajtur larg kontrabandistët.
Disa barkode gjurmojnë lulet nga origjina. Ato ndihmojnë hetimet policore nëse në dërgesa zbulohet ndonjë sasi droge. Kamionët kontrollohen dhe janë të vulosur para se të nisen. Ata do të jenë të hapur vetëm pas mbërritjes në aeroport. Aty fillon inspektimi policor. Pothuajse 500,000 kuti lulesh kanë kaluar nëpër këto skanera në muajin e fundit. Të paktën 26,000 janë kontrolluar me dorë nga njëqind oficerë policie. Në vitin 2018, ata zbuluan më shumë se 400 kilogramë kokainë në dërgesat me lule.
“Ne kemi zbuluar se ata jo vetëm që kamufluan drogën në bërthamat e luleve, por edhe në kërcëllin e luleve. Në kutitë në të cilat lulet janë të mbështjella ne kemi zbuluar gjithashtu se ato kanë kamufluar alkaloidin për tu eksportuar, ose për t’u larguar nga vendi”, shprehet koloneli, Jose Fernando Acosta Moya.
Sistemi i sigurisë i largon trafikantët. Këtë vit në 600 milionë kuti me lule Policia nuk gjeti asnjë gram droge. Dhe këto janë lule që eksportohen në ditën e Shën Valentinit. Më shumë se 160,000 hektarë plantacione me gjethe kokaine ekzistojnë ende në Kolumbi. Trafikantët e drogës përdorin të gjitha llojet e dërgesave për të kaluar drogën në Evropë.
Por këtu, në Aeroportin El Dorado, policia parandalon që kokaina të përshkojë biznesin e luleve, një biznes që po kërkon gjithnjë e më shumë treg përtej oqeanet Atlantik falë traktatit të tregtisë së lirë midis Kolumbisë dhe Bashkimit Evropian.
