Komisioneri për Zgjerim i Bashkimit Evropian, Oliver Varhei sot qëndron për vizitë në Maqedoninë e Veriut.

Varhei do të takohet me kryeministrin Dimitar Kovaçevski, ministrin e Jashtëm Bujar Osmanin dhe me përfaqësues të tjerë të partive politike. Nuk pritet të ketë një konferencë për shtyp të komisionerit pas takimeve me zyrtarët maqedonas.

Një ditë më parë diplimati i lartë vizitoi Bullgarinë, shtet me të cilin Maqedonia e Veriut ka kontest të hapur për çështje identiteti.

Varhei ju tha zyrtarëve bullgarë gjatë ditës së djeshme se është i dëshpëruar se nuk u gjet zgjidhje për kontestin në mënyrë që edhe Maqedonia e Veriut edhe Shqipëria të nisin negociatat për antarësim në Bashkimin Evropian.

Ndërsa, më 28 prill Varheji do të mbërrijë në Tiranë dhe do të takohet me kryeministrin Edi Rama.

Në deklaratat e tij të mëparshme, Rama ka deklaruar se nëse Bullgaria nuk do i heqë veton Maqedonisë së Veriut, Shqipëria do të ndryshojë qasjen e saj për hapjen e negociatave.

LEXONI GJITHASHTU

• Varhelyi viziton Tiranën më 28 prill

• Bullgaria tregon kushtin që duhet të plotësojë RMV-ja për hapjen e negociatave