Ministri i Shëndetësisë në Kosovë, Arben Vitia ka deklaruar në një konferencë për mediat se janë identifikuar tre persona të infektuar me coronavirus.

“Kemi bërë maksimumin që të mbesim në listën e shteteve me risk të ulët. Gatishmëria e institucioneve ka mundësuar që ta kalojmë më shumë pak pasoja këtë situatë. Siç jeni njoftuar mbrëmë, sapo janë njoftuar rastet e para të infektuara, qeveria ka marrë masa të reja për menaxhim të situatës”, deklaroi ai.

Dy prej personave të infektuar në Kosovë janë nga Stublla e Vitisë, të cilat kanë dhe lidhje familjare me njëri-tjetrin.