Qytetarët e Kosovës prej dy muajsh nuk mund të pajisen me pasaportë dhe leje drejtimi për automjete. Kjo sepse mungon materiali për prodhimin e ketyre dokumenteve.
Situata e krijuar ka acaruar dhe qytetarët.
Në përgjigjen me shkrim, zëdhënësja e Ministrisë së Punëve të Brendshme, Nora Fetoshi ka sqaruar pse është krijuar ky problem.
“Si shumë shtete të tjera, edhe ne po përballemi me vështirësi të furnizimit me materiale, vështirësi këto që i ka shkaktuar kriza globale e dalë nga lufta në Ukrainë dhe pandemia me COVID-19” , u shpreh ajo.
Ajo ka bërë të ditur se MPB po angazhohet qe sa më shpejt ta tejkalojë këtë problem.
“Ministria e Punëve të Brendshme është e përkushtuar që sa më shpejt dhe brenda mundësive të bëjë paisjen e të gjithë qytetarëve me dokumente. Kurse rastet të cilat kanë nevojë urgjente po trajtohen me prioritet”. theksoi Fetoshi.
Sipas asaj që u është thënë qytetarëve, lëshimi i dokumenteve për të cilat mungon materiali pritet të rifillojë në janar të vitit të ardhshëm.
LEXONI GJITHASHTU
- Pasaportat e arta përdoren nga persona me rekorde kriminale për aktivitetin e tyre
- 20-25 vizita në ditë tek një mjek psikiatër, shkak problemet ekonomike e sociale
- Pasaportat e arta, KE padit Maltën për skemën që po mendon Shqipëria
