Policia e Kosta Rikës ka bërë bllokimin e sasisë më të madhe të drogës që ka kapur ndonjëherë në historinë e saj, duke zbuluar më shumë se 5 tonë kokainë në një kontenier.
- Advertisement -
Kokaina ishte fshehur në një ngarkesë me lule që kishte si destinacion Holandën, citon agjencia e lajmeve AFP ministrin e Brendshëm, Michael Soto Rojas.
Vendi i Amerikës Qendrore është një nga nyjet kryesore të karteleve për trafikimin e drogës nga Amerika jugore në SHBA dhe Evropë.
Gjatë kontrollit në anijen e dyshimtë, autoritetet zbuluan 202 valixhe që kishin në total 5 048 pako me kokainë, pasha e secilës ishte 1 kg.
Deri tani policia ka vënë në pranga një person të dyshuar. Bëhet fjalë për një 46-vjeçar nga Kosta Rika.
