Kuvendi i Maqedonisë së Veriut pritet të miratojë të hënën ndryshimet në kabinetin qeveritar. Kryeministri Dimitar Kovaçevski ka dorëzuar ndryshimet në qeveri, të kryera pas afrimit të partisë Aleanca për Shqiptarët.

Kjo parti do të drejtojë tre ministri, atë të Drejtësisë nga krenar Lloga, të Shëndetësisë nga Fatmir Mexhiti dhe të Shoqërisë Informatike dhe Administratës nga Azir Aliu.

Partia e drejtuar nga Arben Taravari do të marrë edhe pozicionet në nivel zëvendësministri në Ministrinë e Bujqësisë dhe Ministrinë e Mbrojtjes.

Drejtuesit e koalicionit mazhoritar kanë deklaruar se afrimi i Aleancës për Shqiptarët bëhet me qëllim shtimin ne numrave në Kuvend për të miratuar ndryshimet nevojshme Kushtetuese. Këto ndryshime kanë për synim njohjen e minoritetit bullgar në vend dhe zhbllokimin e procesit të negociatave me Bashkimin Europian.

Megjithatë, dyshimet mbi këtë koalicion jashtë shumta, pasi kundërshtarët po i kujtojnë kritikat që Aleanca për Shqiptarët ka drejtuar më parë ndaj qeverisë sa i përket korrupsionit dhe krimit të organizuar.  

LEXONI GJITHASHTU:

• Kovaçevski dhe Osmani: S’ka urrejtje dhe histeri antibullgare në RMV
• Regjisori Leka Bungo sjell komedinë e zezë të Dushan Kovaçeviç