Nga shuma prej 1.15 miliardë euro e mbledhur në Konferencën e Donatorëve në Bruksel, pjesa më e madhe është ofruar në formën e huasë për Shqipërinë.
Rreth 500 milionë euro janë grante të drejtpërdrejta dhe afro 650 milionë të tjera kredi me interesa të buta. Kjo do të thotë se, pas kësaj konference borxhi publik i Shqipërisë do të pësojë një tjetër rritje.
Sipas të dhënave nga Ministria e Financave, deri në shtator 2019, borxhi ynë publik ishte 9 miliardë euro. Ai ndahet në borxh publik të brendshëm dhe borxh të jashtëm. Më i madhi është borxhi i jashtëm.
Më shumë para borxh, u kemi institucioneve financiare ndërkombëtare, si Shoqata Ndërkombëtare e Zhvillimit, një strukturë e Bankës Botërore, Fondit Monetar Ndërkombëtar, Bankës Ndërkombëtare të Zhvillimit, Bankës Ndërkombëtare për Rindërtim e Zhvillim, e me radhë.
Sa i takon kreditorëve dypalësh, shtetit gjerman i kemi borxh 216 milionë euro, ndërsa Italisë 206 milion euro. Tek kreditoret privatë, kemi detyrimet e Eurobondit (shumica i blerë nga banka private) me 450 milionë euro).
Deri në shtator 2019, për nëntë muaj kemi paguar 200 milionë euro interes të borxhit publik. Në Konferencën e djeshme të Donatorëve në Bruksel, u angazhuan rreth 750 milionë euro hua të buta për rindërtimin dhe rimëkëmbjen nga tërmeti, të cilat do të rrisin borxhin tonë publik.