Policia e Kosovës e ka arrestuar kreun e PSD-së, Dardan Molliqajn. Kjo është bërë pas përfundimit të protestës së veteranëve ku ai mori pjesë.

Për Molliqajn ishte lëshuar urdharrest nga Gjykata, për rastin e sulmit fizik ndaj deputetit Haki Abazi.

Inceidenti ka ndodhur pas përfundimit të një debati televizion në Kosovë.

Molliqaj i ka kërkuar sqarime pas emisionit dhe në debat e sipër e ka goditur me grushte në fytyrë.

Pas arrestimit të Dardan Molliqajt nga Policia e Kosovës, tani është prangosur edhe Frashër Krasniqi bashkë anëtarin e PSD-së, Zgjim Hyseni.

Nuk dihen arsyet e arrestimit të Krasniqit dhe Hysenit.

Arrestimet e tyre kanë ndodhur pasi u ndërpre seanca e Kuvendit të Kosovës.

Tre personat e ndaluar nga policia ishin prezent në protestën e mbajtur nga përfaqësuesit e veteranëve të UÇK-së.