Komisariati i Policisë Korçë ka arrestuar në flagrancë shtetasin Nesti Zhorbo 56 vjeç, banues në qytetin e Korçës, pasi dyshohet se ka tentuar të kryejë veprime të turpshme me dy vajza të moshës 7-8 vjeç

Burime bëjnë me dije se 56 vjeçari ka qenë i ulur në një prej lulishteve të qytetit të Korçës kur pranë tij kanë qenë duke luajtur dy vajzat e mitura.

56 vjeçari ka tentuar t’i prekë në disa pjesë të trupi dy minorenet, ngjarje kjo e parë nga disa kalimtarë të rastit por edhe një prej familjarëve të vajzave, të cilët kanë lajmëruar menjëherë policinë e cila ka bërë të mundur arrestimi e 56 vjecarit.

Burime pranë policisë së Korçës thanë se Nesti Zhorbo ka kryer dhe më parë gjeste të turpshme në vende publike në qytetin e Korçës por është proceduar në gjendje të lirë.

56 vjeçari pritet të dalë pas dy ditësh përballë gjykatës për t’u njohur me masën e sigurisë.