Futbollisti portugez, Kristiano Ronaldo ka përsëritur kërkesën e tij për t’u larguar nga Mançester Junajtid edhe pas bisedimeve që ka zhvilluar së fundmi me drejtuesit e klubit.

Ronaldo dhe agjenti i tij Horge Mendez zhvilluan takime në Carrington të martën, por pozicioni i tij mbetet i pandryshuar dhe ai dëshiron të luajë për një klub në Ligën e Kampionëve dhe të fitojë trofe, shkruan Sky Sports.

Ditën e djeshme, 37-vjeçari u stërvit për herë të parë me skuadrën, pasi qëndroi për tri javë jashtë grumbullimit për arsye familjare.

Agjenti i tij është përpjekur të kryejë një transferim, duke ia ofruar pesë herë fituesin e “Topit të Artë” klubeve si Çelsi, Barcelona, Bajerni i Mynihut dhe PSG-ja, por të gjitha e kanë refuzuar.

LEXONI GJITHASHTU

• ‘Nuk është i denjë për fanelën’, tifozët e skuadrës spanjolle kundër Ronaldos
• ‘Do e integroj në modulin tim’, Ten Hag shuan zërat për largimin e Ronaldos
• Destinacionet e mundshme për Ronaldon në rast largimi nga Mançester Junajtid