Kroacia ka njoftuar rastin e parë të coronavirusit në vendin e tyre.
Pacienti ndodhet spitalin e kryeqytetit, Zagreb, dhe lajmi është konfirmuar nga kryeministri i vendit, Andrej Plenkoviç, sipas agjencisë së lajmeve Reuters.
“Pacienti ndodhet te klinika e sëmundjeve infektive në Zagreb”, deklaroi kryeministri kroat.
“Është një person në moshë të re dhe i ka simptomat në fazë më të butë. Është izoluar dhe tani ndodhet në gjendje të mirë”, pohoi Plenkoviç në konferencën për shtyp.
Ministri i Shëndetësisë, Vili Beros, tha se pacienti kishte qenë në Milano në datat 19 dhe 21 shkurt.
Ndërkohë, dhe Austria ka raportuar dy rastet e para të Coronavirusit.
Të infektuarit ndodhen në zonën e Tyrolit, në kufi me Italinë e Veriut, ku numri i të prekurve vazhdon të jetë i lartë.